आज संध्याकाळी वणी-वरोरा मार्गावरील नायगावजवळ ऑटो व दुचाकीचा भीषण अपघात झाला. या अपघातात दुचाकीवरील एका तरुणाचा मृत्यू झाला तर त्याच्या सोबत असलेल्या दोघांना गंभीर दुखापत झाली आहे. जखमींना तात्काळ उपचारासाठी वणीच्या ग्रामीण रुग्णालयात दाखल करण्यात आले आहे.

आज दि.16 मार्चला संध्याकाळी सात वाजताच्या सुमारास गोपाळ प्रकाश मुगरे, अनिकेत विनायक धारणे व सागर मनोहर चौधरी हे वाघाडा तालुका चिमुर येथील रहिवाशी असून ते वणीला कामानिमित्त आले होते. संध्याकाळी गावाला परत जातअसतांना नायगाव फाट्याजवळ विरुद्ध दिशेने येणारा ऑटो क्र.एमएच 29 एम 5407 या दुचाकीला एमएच 34 क्यु 7679 या अँटोने जोरदार धडक दिली.

या अपघातात गोपाळ प्रकाश मुगरे (25) याच्या डोक्याला गंभीर इजा झाल्यामुळे त्याचा मृत्यू झाला. तर त्याच्यासोबत असलेले अनिकेत व सागर यांनाही दुखापत झाली. त्यांना उपचारासाठी वणीच्या ग्रामीण रुग्णालयात दाखल करण्यात आले आहे. या प्रकरणी सावर्ला येथिल अँटो चालकावर कलम 279,337, 404(अ)भादवी अ 134 अ,134 ब मोटार वाहन कायद्यांनुसार गुन्हा नोंद करुन अटक करण्यात आली आहे.