सुरज चाटे वणी :- चंद्रपूर जिल्यातील म्हातारदेवी येथील माजी सरपंच रोशन सावे यांचा आगळा वेगळा वाढदिवस साजरा करीत जिल्हा परिषद शाळा म्हातारदेवी येथील विद्यार्थ्यांना क्रीडा साहित्य तसेच अपंग निवासी शाळा वणी येथे फळांचे वाटप करून आपला आगळा वेगळा वाढदिवस साजरा करीत विद्यार्थ्यांच्या आशा पल्लवित करून आपला वाढदिवस गाजा वाजा करीत साजरा न करता व एक मदतीचा हात म्हणून येथील माजी सरपंच यांनी हा स्तुत्य उपक्रमाचे आयोजन केले आहे.

वाढदिवस हा एक वर्षाचा उत्साही व आनंदी दिवस मानला जातो पण वास्तविक वाढदिवसाच्या दिवशी पैशाची उधळपट्टी करून आपला वाढदिवस साजरा करणारे सुद्धा बहुतांश पहावयास मिळत असते, त्यातच चंद्रपूर जिल्यातील म्हातारदेवी येथील माजी सरपंच रोशन सावे यांचा वाढदिवस गरजू विद्यार्थ्यांना क्रीडा साहित्य तसेच फळ आदींचे वाटप करून विद्यार्थ्यांच्या गरजा लक्षात घेत भावी पीडीच्या विकासाच्या दृष्टीने विचार करीत त्यांना उपयुक्त अशा साहित्याचा पुरवठा त्यांना दिनांक 27 ला सकाळी 10 वाजता म्हातारदेवी येथीलच शाळेत करून एक आगळा वेगळा वाढदिवस साजरा केल्याचे दिसून येते, यावेळी माजी सरपंच संजय टिपले, ग्राम पंचायत सदस्य राकेश सावे, माजी तंटामुक्ती अध्यक्ष बबन सावे, सामाजिक कार्यकर्ता हर्षानंद पाझारे, ग्राम पंचायत सदस्य सौ सरिता टिपले तसेच गावातील आदी सामाजिक कार्यकर्ते प्रामुख्याने उपस्थित होते.