वणी पोलिसात तक्रार दाखल, तपास सुरू...

सुरज चाटे वणी : वणी शहरातील खडबडा परिसरात राहणाऱ्या चार वर्षीय बालकाला शौचास घेऊन त्याच्यावर २२ वर्षीय तरुणाने अनैसर्गिक कृत्य केल्याची घटना उघडकीस आली आहे. याची तक्रार वणी पोलिसात दाखल झाली असून पुढील कारवाई वणी पोलीस करीत आहे.

शहरातील खरबडा भागात राहणारा तरुण मोलमजुरीचे काम करतो. पत्नी मुलगा आणि तो तिथे वास्तव्यास आहे. शेजारीच अफसर खान अहेमद खान हा तरुण राहतो.मंगळवारी दुपारी अफसरने शेजारीच राहणाऱ्या चार वर्षीय बालकाला शौचास नेण्याचा बहाणा करून बाहेर नेले. बाळाची आई घरीच होती. बालक रडत रडत घरी परत आल्यावर तिला बालकांवर अनैसर्गिक कृत्य केल्याचे दिसून आले. बाळाचे वडील रात्री कामावरून घरी परतले. प्रसंगी बाळाच्या आईने घडलेला प्रकार वडिलांना सांगितला. बाळाच्या वडिलांनी वणी ठाणे गाठून अफसर विरुद्ध तक्रार दाखल केली. वणी पोलिसांनी बालकाचे लैंगिक शोषण, बालकाचा हक्क व कायदा नुसार भारतीय दंड विधान कलम ३७७,५११,८,१८ नुसार गुन्हा नोंद केला आहे. पुढील तपास उपविभागीय पोलीस अधिकारी विजय लगारे यांच्या मार्गदर्शनाखाली सपोनि हिवसे करीत आहेत.