सुरज चाटे वणी- येथील शिवाजी व्यायाम शाळेचे अध्यक्ष प्रमोदभाऊ मारोतराव निकुरे यांची यवतमाळ जिल्हा कुस्तीगीर संघाच्या संचालकपदी नियुक्ती करण्यात आली आहे.

महाराष्ट्र राज्य कुस्तीगीर परिषद पुणे आणि विदर्भ विभागीय परिषद नागपूर यांच्याशी सलग्न यवतमाळ जिल्हा कुस्तीगीर संघाचे अध्यक्ष बाळासाहेब मागूळकर यांनी त्यांचे कुस्ती क्षेत्रातील कार्य व अनुभव लक्ष्यात घेता तसेच कुस्ती क्षेत्रात चांगले खेळाडू निर्माण करण्याच्या दृष्टीने प्रमोदभाऊ निकुरे यांची यवतमाळ जिल्हा कुस्तीगीर संघाच्या संचालकपदी नियुक्ती करण्यात आली .ते आपल्या निवडीचे श्रेय कुस्तीगीर संघाचे अध्यक्ष बाळासाहेब मागूळकर, तसेच अनिल पांडे, कुलभूषण तिवारी ,प्रमोदभाऊ इंगोले यांना देतात.त्यामुळे ह्यांच्या निवडीबद्दल मित्रपरिवारात उत्साहाचे वातावरण असून सर्वत्र अभिनंदनाचा वर्षाव होत आहे.