रस्त्यावरील दगडावर दुचाकी वाहन आदळून झालेल्या अपघातात एकाचा मृत्यू तर एक जण गंभीर जख्मी झाल्याची घटना शिरपूर पोलीस स्टेशन अंतर्गत येणाऱ्या शिंदोला चनाखा मार्गावर घडली. चनाखा गावातील दोन व्यक्ती काही काम निमित्त शिंदोला येथे गेले होते.काम आटपून दुपारी दोन वाजता गावाकडे परतत असतांना त्यांची दुचाकी रस्त्यावरील दगडावर आदळली त्यात मारोती रामा मडावी (३२) याच्या डोक्याला जबर नार लागल्याने त्याचा जागीच मृत्यू झाला तर किशोर सुरेश कोवे (२९) हा गंभीर जखमी झाल्याने त्याला प्रथम वणी ग्रामीण रुग्णालयात दाखल करण्यात आले परंतु प्रकृती गंभीर असल्याने पुढील उपचार करीता चंद्रपूरला रेफर करण्यात आले आहे.