सुरज चाटे वणी - रविवार दि. 25 नोव्हेंबर रोजी वणीकर श्री गजानन विजय ग्रंथाचा अभूतपूर्व असा मुखोद्गगत पारायण महासोह्ळा अनुभवणार आहेत. ठाणे येथील सौ.विद्या पडवळ ( उनवने) या मुख्य पारायणकर्त्या असून त्यांना 3669 ओव्या असलेला पूर्ण ग्रंथ पाठ आहे. त्या सलग 8 तास , मध्य॔तरी केवळ पंधरा मिनिटांची विश्रांती घेऊन या ग्रंथाचे मुखोद्गत पारायण करणार आहेत. त्यांच्या नेतृत्वाखाली 1600 भगिनी पारायणाला बसणार आहेत. या भगिनी विद्याताईंचे पोथी पठण ऐकून स्वतःजवळील पोथीतील ओव्यांवरून दृष्टी फिरवणार आहेत. वरोरा मार्गावरील एस. बी. लाॅन मध्ये या महापारायण सोहळ्याचा आरंभ पहाटे 6.30 वाजता होणार आहे. ठाणे ( मुंबई )येथील विद्याताई पडवळ या एम्.ए. (ऑरगॅनीक केमेस्ट्री व मराठी ) आहेत. त्या उत्तम वक्त्या , कलावंत, कथाकथनकार , व समाजसेविका आहेत. त्यांच्या गजानन विजय ग्रंथाच्या मुखोद्गत पारायणाचे कार्यक्रम देश विदेशात चालू असतात. वणी शहरात प्रथमच होत असलेल्र्या याअभूतपूर्व कार्यक्रमाला भेट देऊन दुपारी 2 वाजता होणार्या आरतीला उपस्थित राहण्याची संधी भाविक बंधुभगिनींनी सोडू नये अशी विनंती आयोजक श्री गजानन महाराज सेवा समितीने केली आहे