वणी:-

येथील साने गुरुजी चौकात आज दि. 11 जूनला पांडुरंग सदाशिव साने उर्फ साने गुरुजींची 70 वी पुण्यतिथी साजरी करण्यात आली. करोना विषाणू थांबवण्यासाठी सरकार कडून देण्यात आलेली नियमावलीचे पालन करून सोशल डिस्टन्स पाळन्यात आला.

नगर वाचनालय, विदर्भ साहित्य संघ, मित्र मंडळ, संस्कार भारती समिती यांच्या संयुक्त विद्यमाने आयोजित पुण्यतिथीच्या कार्यक्रमात नगर वाचनालयाचे अध्यक्ष माधव सरपटवार यांनी साने गुरुजींच्या जीवनावर प्रकाश टाकून मूल्याधिष्ठित समाजाच्या निर्मितीसाठी साने गुरुजीचे विचार आपल्याला दिपस्तंभासारखे आपल्याला मार्गदर्शक आहेत असे स्पष्ट केले.

या प्रसंगी प्रा. स्वानंद पुंड, गजानन कासावार, राजाभाऊ पाथ्रडकर, देवेंद्र भाजीपाले, प्रमोद लोणारे, राम मेंगावार प्रामुख्याने उपस्थित होते. या कार्यक्रमाचे संचालन व आभार प्रदर्शन विदर्भ साहित्य संघाचे येथील सचिव अभिजित अणे यांनी केले.