प्रतिनिधी/ सचिन मेश्राम (मारेगांव-यवतमाळ)

आज मारेगांव शहरापासून तिन किलोमीटर अंतरावर असलेल्या करनवाडी फाट्याजवळ ट्रक व दुचाकी चा अपघात झाला. या धडकेत दुचाकी चालक तेजस पांडुरंग कोटनाके (वय ३८)रा. नरसाळा हा जागीच ठार झाला. या घटनेची माहिती पसरताच नागरिकांनी घटनास्थळी धाव घेतली. ही घटना करनवाडी फाट्या जवळ शुक्रवारी दुपारी ४ दुपारी चार वाजताच्या सुमारास घडली. यावेळी अपघातानंतर ट्रक चालक सदर ट्रक सोडून पसार झाला आहे. अपघात इतका भीषण होता की दुचाकी चेंदामेंदा झाली. प्राप्त माहितीनुसार मालवाहतूक ट्रक हा मारेगावच्या दिशेने येत होता. तर दुचाकीस्वार गावाकडे जात असताना दुचाकी व ट्रकची जोरदार धडक होऊन दुचाकीस्वार तेजस पांडुरंग कोटनाके हा जागीच ठार झाला. अपघाताची माहिती मिळताच मारेगांव पोलीस घटनास्थळी दाखल झाले. दरम्यान घटनास्थळी नागरिकांनी मोठी गर्दी केली होती. या प्रकरणी पोलिसांनी ट्रक ताब्यात घेतला असून पुढील तपास मारेगांव पोलीस करित आहे.