प्रशांत चंदनखेडे वणी :-

तालुक्यातील बोर्डा गावात रस्त्याच्या कडेला उभ्या असलेल्या दुचाकी वाहनावर जिवंत विद्युत तर तुटून पडल्याने दुचाकी पूर्णतः जळून खाक झाली आहे. मोहन विठ्ठल दुमोरे यांच्या मालकीची ही दुचाकी असून वेगाव रोडवर असलेल्या आपल्या शेतामध्ये ते गेले असता रोडच्या कडेला उभी असलेल्या त्यांच्या दुचाकीवर अचानक जिवंत विद्युत तार तुटून पडल्याने दुचाकीने पेट घेतला व क्षणार्धात ती पूर्णतः जाळून खाक झाली. यात कोणालाही शारीरिक इजा झाली नसली तरी दुकाचाकी जळाल्याने सदर शेतकऱ्याचे अंदाजे ४० ते ५० हजार रुपयांचे नुकसान झाले आहे. आधीच कोरोनाच्या संकटात बिकट परिस्थितीचा सामना करत असलेल्या शेतकऱ्यावर अशाप्रकारचे अनाहक संकट कोसळल्याने सदर शेतकरी चांगलाच खचला असून आर्थिक तंगी भोगत असतांना अशाप्रकारची वित्त हानी झाल्याने सदर शेतकरी चिंतातुर झाला आहे. वीज पोलावरील जिवंत तर तुटून दुचाकीवर पडल्याने दुचाकी जळून खाक झाली असून याला एक प्रासंगिक अपघात समजून प्रशासनाने सदर शेतकऱ्याला आर्थिक भरपाई देण्याची मागणी गावकऱ्यांकडून होत आहे.