मार्डी - मारेगाव तालुक्यातील मार्डी येथील एका २२ वर्षीय युवकाने आपल्या राहत्या घरात आत्महत्या केली. दि. २ ऑगस्ट रोजी दुपारी ५ वाजताच्या दरम्यान ही घटना घडली असून, शुभम बंडू भासपाले (वय २२) असे मृतकाचे नाव आहे. सदर घटनेने मार्डी परिसरात शोककळा पसरली.

सूत्रांच्या माहिती नुसार मृतक शुभम हा घरीच होता व शुभम चे आई वडील शेतामध्ये गेले होते. फिर्यादी मृतकाचा चुलत भाऊ अविनाश चंदू भासपाले हा सुद्धा घरीच होता. दि. २ ऑगस्ट २०२० दुपारी ५ वाजताचे सुमारास मित्रांनी त्याला घराच्या बाहेरून आवाज दिला. मात्र त्यांना कोणताही प्रतिसाद न मिळाल्याने शुभम च्या मित्रांनी फिर्यादी अविनाश भासपालेसह शुभम ला पुन्हा आवाज दिला. परंतु शुभम प्रतिसाद देत नसल्या चे लक्ष्यात येताच उपस्थितांनी खिडकीतून बघितले असता, शुभम चा मृतदेह घरातील सिलिंग फॅनला लटकलेला आढळून आला. आज मैत्री दिनाचे औचित्य असताना शुभम ने या दिनी आपली जीवन यात्रा संपवल्याने मित्र परिवार दुखावला असून हळहळ व्यक्त होत आहे. मृतकाच्या आत्महत्तेचे कारण अद्याप कळू शकले नाही. सदर घटनेचा तपास पो.नि. जगदीश मंडलवार यांचे मार्गदर्शनाखाली बिट जमादार सुरेंद्र टोंगे करित आहे.

संपादन - कुमार अमोल