प्रशांत चंदनखेडे वणी :-

ट्रकच्या धडकेत दुचाकीस्वार जगिच ठार झाल्याची घटना काल रात्री ७.३० वाजता वणी यवतमाळ रोडवरील पळसोनी फाट्याजवळ असलेल्या मातामंदिराजवळ घडली. राजकुमार अंबर मेश्राम (५५) रा. परसोडा असे अपघातात मृत पावलेल्या व्यक्तीचे नाव आहे.

वणीवरून परसोडा या आपल्या गावी जात असतांना राजकुमार मेश्राम यांच्या मोपेड दुचाकीला घुग्गुस वरून यवतमाळकडे कोळसा भरून जात असलेल्या MH ३४ BG ००८२ क्रमांकाच्या ट्रकने जोरदार धडक दिल्याने राजकुमार मेश्राम यांना जबर मार लागल्याने त्यांचा घटनास्थळीच मृत्यू झाला. ट्रक चालक घटनास्थळावरून पसार झाल्याने पोलीस त्याला अटक करण्याकरिता त्याच्या शोध घेत आहे. पोलिसांनी ट्रक चालक शिवराशी दीनानाथ यादव रा. चंदनी चौक घुग्गुस याच्या विरुद्ध भादंवि च्या कलम २७९. ३०४ (अ) नुसार गुन्हा नोंदविला असून त्याच्या अटकेची प्रक्रिया सुरु आहे. पुढील तपास एएसआय डी बी भादेकर करीत आहे.