घुग्घुस कांग्रेस पक्षाचे वेकोली, एसीसी, लोयड्स मेटल्स कंपनीना निवेदन

घुग्घुस :- जिल्ह्यात उष्णतेने उच्छांक गाठला आहे तापमान 47 डिग्री सेल्सियस पार गेलेला आहे व येणाऱ्या दिवसात तापमानात अजुन वाढ होईल यात शंका नाही आजघड़ीला या रखरखत्या उन्हात काम करतांना कामगारांना उष्माघात ( लु ) लागून जिव जाण्याचा धोखा निर्माण झालेला आहे.

या भीषण गर्मिचा सर्वात जास्त त्रास कंपनी मध्ये जनरल पाळीत काम करणाऱ्या संघटित / असंघटित कामगारांना होत असतो या कामगारांच्या दुपारच्या कामाच्या वेळेत बदल करून कामगारांना सुरक्षा देण्यात यावी कामगारांना उष्णतेपासून रक्षण करण्याकरिता ठंड पिण्याचे पानी, निंबु शरबत, व ग्लूकोज पानी देण्यात यावे या मागणीला घेवून कामगार दिनाचे औचित्य साधुन घुग्घुस शहर कांग्रेस कमेटी अध्यक्ष राजुरेड्डी, इंटक नेते लक्ष्मण सादलावार, कामगार नेते सैय्यद अनवर, अजय उपाध्ये, बालकिशन कुळसंगे, अंकुश सपाटे यांच्या शिष्ठमंडळाने वे.को.ली चे मुख्य महाप्रबंधक उदय कावळे यांची भेट घेवून निवेदन दिले व या सोबतच घुग्घुस येथील लोयड्स मेटल्स कंपनी तसेच एसीसी कंपनीच्या व्यवस्थापकाना निवेदन देवून मानवीय दृष्टीकोणातून अंमलबजावनी करण्याची विनंती केली आहे.