प्रेम नगर परिसरातून देहविक्री प्रकरणात ताब्यात घेतलेल्या एका अल्पवयीन मुलीच्या खऱ्या जन्मदात्याचा शोध घेण्याचे निर्देश उच्च न्यायालयाने राज्य शासनाला दिले. त्यानंतर वणी पोलिसांनी जन्मदात्याचा शोध घेण्यासाठी सदर मुलगी आपलीच असल्याचा दावा करणाऱ्या मध्यप्रदेशातील एका महिलेची डीएनए चाचणी घेतली आहे. नागपूर येथील एका स्वयंसेवी संस्थेने २०१८ रोजी वणी येथील प्रेम नगर परिसरात देह व्यापारात गुंतलेल्या मुलीची सुटका करून तिला महिला वसतिगृहात पाठविले. या मुलीची सुटका केल्यानंतर मध्यप्रदेशातील एका महिलेने 'ती' मुलगी आपली असल्याचा दावा करून तिचा ताबा मिळवण्याकरिता उच्च न्यायालयात याचिका दाखल केली. परंतु सदर मुलीने हि आपली आई नसल्याचे सांगितले. यावरून न्यायालयाने तिच्या खऱ्या आईवडिलांचा शोध घेण्याचे निर्देश वणी पोलिसांना दिले. मात्र अद्यापही पोलिसांच्या हाती काही लागले नाही त्यामुळे त्या महिलेच्या रक्ताचे नमुने डीएनए तपासणीसाठी हैद्राबादला पाठविण्यात आले आहे