वणी: येथील माजी शासकीय माध्यमिक विद्यालय,वणी येथे सुंदर हस्ताक्षर कार्यशाळा व शैक्षणिक क्षेत्रात उल्लेखनीय काम करणाऱ्या शिक्षकांचा गुणगौरव सत्कार कार्यक्रमाचे आयोजन गो ग्रीन क्लब तर्फे करण्यात आले. या कार्यक्रमाचे अध्यक्ष मा.भारत जी चिव्हाणे सर, प्रमुख अतिथी म्हणून सत्कार मुर्ती मा.कुरले सर,मा.मारोती जिवतोडे तथा कार्यशाळेचे मार्गदर्शक म्हणून जंगले सर उपस्थित होते.

गो ग्रीन क्लब या संघटनेमार्फत सत्कार मुर्ती मा. कुरले सर,मा.मारोती जिवतोडे सर,मा.विक्की जंगले सर यांचा पुष्पगुच्छ,झाडाचे रोपटे प्रमाणपत्र देवून सत्कार करण्यात आला.

मोत्यासारखे अक्षर,

वक्त्यासारखे बोल,

त्याचे जीवन अनमोल...

स्पर्धेच्या धकधकीच्या जीवनात हस्ताक्षर कला संपन्नता अतिमहत्वाची आहे.यासाठी विक्की जंगले सर यांच्या मार्गदर्शनात सुंदर हस्ताक्षर कार्यशाळा वणी शहरात घेण्यात आली.या कार्यशाळेला बहुसंख्य विद्यार्थ्यांनी हजेरी लावली. कार्यक्रमाचे संचालन मा. हर्षदा चोपणे ताई यांनी केले,प्रास्ताविक गो ग्रीन क्लबचे अध्यक्ष चचाने सर यांनी केले.तर आभार प्रदर्शन महेश लिपटे सर यांनी केले. कार्यक्रमाच्या यशस्वीतेसाठी राजेंद्रजी साखरकर सर,तुरारे सर,मेश्राम सर,संदिप तलसे,चौधरी सर,लोंढे सर,म्हसे सर या सर्वांनी परीश्रम घेतले.