घुग्गुस - येथील शेणगावच्या एका शेतात महिला आणि पुरुषाचा मृतदेह झाडाला लटकलेल्या अवस्थेत सापडला. आत्महत्या करणारी महिला आधीच विवाहित होती. तर आत्महत्या करणारा पुरुष राजेश गेडाम त्या महिलेचा प्रियकर होता तो मूळचा नागपूरचा रहिवासी होता. गळ्यातील मंगळसूत्र आणि घटनास्थळी लावलेल्या बाइकने या दोघांची ओळख पटली. तिला आपल्या पतीपासून 6 वर्षांचा एक मुलगा देखील आहे. परंतु, राजेशवरच तिचे प्रेम होते. एकमेकांवर प्रेम करूनही एक होणे शक्य नव्हते. याच विरहाच्या दुखात दोघांनी टोकाचे पाऊल उचलले असा प्राथमिक अंदाज लावला जात आहे. दरम्यान, यासंदर्भात सविस्तर तपास केला जात आहे.