दिड लाखाचे दागिने घेऊन तिन भामटे पसार

सुरज चाटे वणी :- शहरातील शास्ञि नगर भागात मोटर सायकल वरुन तिन भामटे हजर होवुन आम्ही व्हिम कंपनिकडुन आल्याची बतावनी केली.व व्हिम कंपनिचे पितळ व तांब्याचे भांडे साफ करण्याचे एक लिक्विड दाखवुन भांडे साफ करण्याचे बतावणी करुन सोन्याचेही दागिने साफ करुन देण्याची बतावणी करुन दोन महिलांचे दागिने घेवुन भामटे पसार झाले.हि घटना दि.20 जुलै ला दु.1:30 वाजताचे दरम्यान उघडकिस आली. सिंधू रामदास रामटेके (42 ) व संगीता गणेश लोखंडे(25)या महिला घरी असताना 3 भामटे आले व व्हीम कंपनीकडून भांडे साफ करण्याचे लिक्विड आणले असून तुमच्या घरचे भांडे साफ करून दाखवतो या बहाण्याने त्या महिलांना तांबे पितळचे भांडे साफ करून दाखविले व नंतर सोने सुद्धा साफ करून देतो म्हणून त्या महिलांनी गळ्यातील व कानातील सोन्याचे दागिने साफ करण्यासाठी दिले त्या दोन्ही महिलांचे दागिने एका स्टीलच्या डब्यात हळदीचे पाणी व लिक्विड टाकून गॅसवर ठेवण्यास सांगितले.त्यानंतर दुसऱ्याचे सोने साफ करावयाचे आहे अशी थाप मारून ते तिन्ही भामटे पसार झाले. सदर महिलांनी डब्बा उघडून पाहिले असता त्यातील सोने गायब झाल्याचे आढळून आले. त्या महिलांनी आरडा ओरड करून त्या भामट्यांचा शोध घेतला असता ते पसार झाल्याचे लक्षात आले.या घटनेची माहिती वणी पोलिसांना मिळताच डी बी पथक घटना स्थळी दाखल झाले.पुढील तपास वणी पोलीस करीत आहे.