वणी :- चालकाचे नियंत्रण सुटल्याने कार झाडावर आदळून झालेल्या अपघातात पती ठार, तर पत्नीसह तीन जण जखमी झाले. ही घटना शनिवारी दुपारी १ वाजता राळेगाव रोडवरील आमला गावाजवळ घडली. एम.एच.-२९-ए.आर.-३९६१ या क्रमांकाची कार वणी येथून राळेगाव मार्गे कळंबकडे येत होती. आमला गावाजवळ चालकाचे नियंत्रण सुटल्याने कार झाडावर आदळली. या घटनेत अशोक वासेकर (५५) रा.वणी, कल्पना अशोक वासेकर (५०) यांच्यासह चार जणांचा समावेश होता. त्यांना तत्काळ कळंब येथील ग्रामीण रुग्णालयात हलविण्यात आले. प्रकृती गंभीर असल्याने जखमींना यवतमाळ येथे हलविले. यात अशोक वासेकर यांचा उपचारादरम्यान मृत्यू झाला. कल्पना वासेकर यांच्यासह तिघांवर उपचार केले जात आहे. या प्रकरणी पोलिसांनी पुढील तपास सुरू केला आहे.