वणी - धनोजे कुणबी समाज महिला आघाडीच्या वतीने श्रावण उत्सवाचे आयोजन करण्यात आले होते. या कार्यक्रमात महिलांनी विविध खेळ खेळले तसेच श्रावणावर आधारित गीत गायन स्पर्धा घेण्यात आली या गायन स्पर्धेचे परीक्षण रुपाली हिवरकर व संगीत शिक्षिका खडसे मॅडम यांनी केले. महिला सक्षमीकरण व त्यांच्या कलागुणांना वाव देण्यासाठी तसेच संसारातून काही स्वतःसाठी वेळ काढावा याकरिता हा उपक्रम राबविण्यात येत असतो. संस्थेच्या अध्यक्षा वनिता काकडे यांनी आपले मनोगत व्यक्त केले. यावेळी महिला आघाडी च्या सचिव कविता चटकी, माजी अध्यक्षा साधना गोहोकार, किरण देरकर, माया गौरकर,सपना पावडे, पदाधिकारी, सदस्य व समाजातील महिला मोठ्या प्रमाणात उपस्थित होत्या.