वणी:तालुक्यातील राजूर कॉलरी येथील भारतीय भु-सैन्य दलात असलेले 34 वर्षीय जवनाचा गुरुवार दि.26/09/2019 ला रात्री 10:30 वाजताचे सुमारास मथुरा येथे अपघाती मृत्यू झाल्याची माहिती पुढे आली आहे.या जवानावर यवतमाळ जिल्ह्यातील मूळ गाव राजूर कॉलरी येथे मानवंदना देऊन अंत्यसंस्कार करण्यात आले.

वणी तालुक्यातील सर्वात मोठे गाव असलेल्या राजूर कॉलरी येथील नरेंद्र लक्ष्मण सोलंकी हे भारतीय सैन्यात कार्यरत होते. भु-सैन्य दलात कार्यरत असलेल्या नरेंद्र यांची सेवेचा करार जवळपास संपतच आला होता.गुरुवारी रात्री मथुरा येथे दुचाकीने जात असताना नरेंद्र यांचा मृत्यू झाल्याची माहिती मिळते आहे.नरेंद्रच्या पश्चात पत्नी,एक मुलगा व मुलगी आहे.

या घटनेची माहिती मिळताच नरेंद्र यांचे कुटुंब राजूर येथून मथुरेकडे रवाना झाले.रविवार दि.29/09/2019 ला सकाळी 9 वाजता त्यांचे पार्थिव शरीर राजूर येथील घरी अंत्यदर्शनासाठी ठेवले होते.या सैनिकाला आदरांजली देण्यासाठी अलोट गर्दी झाली होती. भारतीय भु-सैन्य दल व महाराष्ट्र पोलिसाच्या यवतमाळ पथकातर्फे मानवंदना देण्यात आली.सर्वांना परिचित असलेला वीर जवान नरेंद्रला अखेरचा निरोप देण्यात आला.