वणी दि. दिवाळीचा आनंद द्विगुणीत करणारा पहाट कीर्तनाचा कार्यक्रम वणीत सुरू असण्याचे हे 20 वे वर्ष आहे.दि.24 ऑक्टोबर गुरूवार रोजी पहाटे 6 वाजता जुन्या स्टेट बॅक जवळील महादेव मंदिरात नामवंत कीर्तनकार मोहनबुवा कुबेर यांचे कीर्तन आयोजित आहे. कीर्तनाचे आयोजन राज इलेक्ट्रीकल्स व राज कॅटर्सचे दिलीप बिलोरीया व जैताई देवस्थान यांनी केले आहे. दि 25 ऑक्टोबर रोजी पहाटे 6 वाजता जैताई मंदिर प्रांगणात झी युवा संगीत सम्राट फेम बासरी वादक रोहित वनकर ( पुणे ) यांच्या बासरी वादनाची सुरेल मैफिल आयोजित करण्यात आली आहे. आयोजन जैताई मंदिर व राज मंडप डेकोरेशन यांनी केले आहे . दि 25 ऑक्टोबर रोजी सायं 7 वाजता जैताई मंदिराच्या प्रांगणात संस्कार भारती व जैताई देवस्थानने आली दिवाळी हा सुमधुर संगीताचा कार्यक्रम आयोजित केला आहे. दिवाळीचा आनंद त्रिगुणीत करणार्या या तीनही कार्यक्रमांना बंधुभगिनींनी बहुसंख्येने उपस्थित रहावे अशी विनंती आयोजकांनी केली आहे.