सुरज चाटे वणी:-

वणी येथील जेष्ठ समाजसेवक व अन्नछत्र सेवा समितीचे अध्यक्ष गुलाबराव खुसपूरे यांचा अमृत महोत्सव समारोह जैताई मंदिर वणी येथे दिनांक 31 आक्टोबरला विविध संस्थाचे वतीने मोठ्या ऊत्साहात संपन्न झाला.

जैताई देवस्थान समिती, खूसपूरे मित्र मंडळ वणी व खूसपुरे कुटुंबीय यांचे वतीने आयोजित या कार्यक्रमाचे अध्यक्ष मनुमहाराज तुगनायक हे होते तर सत्कार कर्ते व प्रमुख मार्गदर्शक म्हणून विद्यावाचस्पती प्रा.स्वानंद पुंड हे होते.

यावेळी वणी येथील विविध सामाजिक व धार्मीक संस्था व अनेक मान्यवरांनी वैयक्तिक पणे सत्कार करुन शुभेच्छा दिल्या. यात प्रामुख्याने जैताई देवस्थान वणी,अन्नछत्र सेवा समिती, जैताई योग वर्गातर्फे योग शिक्षक व योगसाधक, विदर्भ साहित्य संघ, नगर वाचनालय, रंगनाथ स्वामी मंदिर, मित्र मंडळ, जेष्ठ नागरिक मंडळ, नगर सेवा समिती, योग वेदांत समिती, गुरूदेव सेवा मंडळ, धनोजे कुणबी समाज संस्था ईत्यादी संस्थेच्या वतीने सत्कार करण्यात आला. यावेळी अशोक आकुलवार, लक्ष्मण ईद्दे, दिलीप कोरपेनवार, रमेश बोबडे, विजयाताई दहेकार यांनी प्रतिक्रिया व्यक्त केल्या.

संचलन कार्यक्रमाचे आयोजन माधवराव सरपटवार व गजानन कासावार यांनी केले. आभार प्रदर्शन राजेश खुसपूरे यांनी मानले. रेणुका अणे यांच्या पसायदानाने कार्यक्रमाची सांगता झाली.