-अमोल कुमरे

वणी- शहरातील जत्रा मैदान येथील कुप्रसिद्ध असलेल्या 'रेड लाईट' परिसरात एका घराला अचानक आग लागली आणि घर, सामान व मुद्देमाल जळून संपूर्ण खाक झाले.

ही घटना शुक्रवार दि. 29 रोजी रात्री साडे अकराच्या दरम्यान, आग लागली असल्याची माहिती मिळाली. यावेळी लगेच न.प. अग्निशमन दलाला संपर्क साधून पाचारण करण्यात आले आणि आग नियंत्रण आणण्यात आली.

दरम्यान, अचानक लागलेल्या आगीचे नेमके कारण कळू शकले नाहीत. सुदैवाने यात कुठलीही जीवित हानी झाली नसून घरातील सामान व मुद्देमाल मात्र, जळून खाक झाली आहे.