पोलिसांत तिघांवर गुन्हा दाखल...!!

-शहर प्रतिनिधी

मारेगाव- तालुक्यातील सिंधी येथील एका शेतकऱ्यांच्या शेतातील गोळा केलेल्या कापुस गंजीला येथीलच काही लोकांनी आग लावुन नुकसान केल्याची तक्रार ठाण्यात दाखल करण्यात आली आहे. मारेगाव तालुक्यातील सिंधी येथील देविदास नानाजी डाऊले (45) या शेतकऱ्याच्या शेतात येथीलच नारायण बलकी (52), ज्ञानेश्वर बलकी (47) प्रफुल बलकी (25) या तीन जणांनी आग लावली अशी तक्रार मारेगाव पोलिसात दाखल करण्यात आली आहे.

या आगीत तीन ते चार क्विंटल कापुस जळून खाक झाल्याचा प्राथमिक अंदाज व्यक्त करण्यात येत आहे. ही घटना 12 डिसेंबर रोजी रात्री दरम्यान घडली असून सदर घटनेचा मारेगाव पोलिस ठाण्यात या आरोपीविरुद्ध गुन्हा नोंदवण्यात आला आहे.मारेगाव तालुक्यातील सिंधी येथील देविदास नानाजी डाऊले यांच्या शेतात कापुस गोळा करण्याचे काम सुरू असून रात्री त्यांच्या शेतात गोळा करण्यात आलेल्या कापसाला महागाव येथील नारायन बलकी, ज्ञानेश्वर बलकी आणि प्रफुल्ल बलकी यांनी आग लागली असल्या बाबतची तक्रार दाखल करण्यात आली असुन डाहुले यांच्या फिर्यादीवरून आरोपीविरुद्ध 435, 34 अन्वये गुन्हा नोंद करण्यात आला आहे.