स्पिड ब्रेकर काढा अन्यथा...?

वणी- शहरातील मोमीनपुरा येथील रस्त्यावर अती लावलेल्या ‘स्पिडब्रेकर’ हे तत्काळ काढा असे प्रहारसंघटनेकडून एसडीओला निवेदन देण्यात आले आहे. दि. २६ डिसेंबर रोजी निवेदन देताना प्रहार संघटनेचे जिल्हा सचिव सिद्धिक रंगरेज, तालुका प्रमुख अनिकेत चामाटे, उप-तालुका प्रमुख साई नालमवर, सदस्यगण मोबीन शेख, गौरव तात्कोटवार, प्रफुल पंधरे, सुमेर खान, निलेश मोगरे आदींची उपस्थिती होती.

शहरातील वर्दळीचा रस्ता म्हटलं कि, मोमीनपुरा हा मार्ग वाहतूकदार निवडतात या मार्गाने नेहमी गच्च वाहतुकीची वर्दळ चालू असते. नुकताच मोमीनपुऱ्यातील काँक्रीट रस्ता बाधण्यात आला त्या मार्गात एकूण सात ब्रेकर टाकण्यात आले. गरज नसताना इतके स्पिडब्रेकर टाकणे हे आजाराचे लक्षण आहे. असे येथील नागरिकांना वाटते, या ब्रेकरमुळे मणक्याचे आजार होण्याचे नाकारता येत नाही. त्यामुळे या मार्गात अती लावलेले स्पीडब्रेकर तत्काळ काढावे अशी प्रहार संघटनेची मागणी आहे. अन्यथा मोठे आंदोलन करावे लागेल असाही निवेदनातून इशारा देण्यात आला आहे.