वणी शहर प्रतिनिधी:- निलेश चौधरी

कर्मचाऱ्यांना जुनी पेंशन योजना, केंद्राप्रमाणे महागाई भत्ता, अनुकंप भरती,समान काम समान वेतन, कंत्राटी कर्मचाऱ्यांच्या सेवा नियमित करणे,सेवानिवृत्ती वय 60 करणे,शिक्षण क्षेत्रातील विनाअनुदान धोरण रद्द करणे,शेतीमालाला योग्य भाव मिळणे यासह अनेक मागण्यासाठी देशभरातील कामगार संघटना व अखिल भारतीय राज्य सरकारी कर्मचारी महासंघाचे नेतृत्वाखाली न्याय मागण्यांसाठी दि.8जानेवारी2020 रोजी संपाचे आयोजन करण्यात आले होते. महाराष्ट्र राज्य प्राथमिक शिक्षक समिती र.न.448 ,जुनी पेंशन फायटर संघटना यांचा सक्रिय सहभाग होता.

संपाचे पडसाद अनेक ठिकाणी उमटले,कार्यालये,बैंक व्यवहार बंद होते. विद्यार्थी हित लक्षात घेता प्रशिक्षण, क्रिडास्पर्धा स्थळी अनेक शिक्षकांनी काळ्या फिती लावुन निषेध नोंदवला.