विद्यार्थ्यांनी भूमिका ध्येय उद्देश जपायला हवा...वैभव ठाकरे

प्रतिनिधी अमोल कुमरे-

शहरातील नगर परिषद द्वारा संचालित 'स्वामी विवेकानंद अभ्यासिका' गटात दिनांक 12 जानेवारी रोजी स्वामी विवेकानंद जयंती व राजमाता जिजाऊ जयंती मोठया उत्साहात संपन्न झाली. यावेळी कार्यक्रमाला अध्यक्ष म्हणून प्रा. दिलीप मालेकर सर तर प्रमुख वक्ते म्हणून पोलीस उपनिरीक्षक मा. जाधव सर व व वैभव ठाकरे उपस्थित होते. आजची युवकांची भूमिका, आजच्या युवकांसमोरील ध्येय, उद्धेश आणि आव्हाने याचे सुंदर विवेचनातून मार्गदर्शन विध्यार्थ्यांना केले. एक दिवसा अगोदर सर्व विध्यार्थ्यानी स्वच्छता अभियान राबवून अभ्यास गट व आजूबाजूचा परिसर स्वच्छ केला. या कार्यक्रमाचे बहारदार सूत्रसंचालन अक्षय काकडे व आरती तेलंग या विद्यार्थ्यांनी केले. स्वागत गीत करिष्मा नवले हिने सादर केले तर आभार आशिष खरवडे यांनी मानले या कार्यक्रमाला सर्व विध्यार्थ्यानी प्रत्यक्ष अप्रत्यक्षरित्या सहकार्य केले असून विध्यार्थी विद्यार्थिनी मोठया संख्येने या कार्यक्रमाला उपस्थित होते.