सागर मुने,वणी

वणी येथे हिंगणघाट घटनेचे तीव्र पडसाद उमटले. हिंगणघाट येथे प्राध्यापक तरुणीला भर चौकात पेट्रोल टाकून जळणाऱ्या आरोपीला फाशीची शिक्षा देण्यासाठी वणीचे उपविभागीय अधिकारी यांना निवेदन देऊन सरकार ला मागणी केली आहे.

धनोजे कुणबी व जिजाऊ ब्रिगेड च्या महिलांनी नारे देऊन तीव्र संताप व्यक्त केला. अश्या माथेफिरू नगराळे या आरोपीला फाशी द्यावी तसेच जलदगती न्यायालयात खटला चालवा त्यामुळे अशा घटना होणार नाही, महिला सुरक्षेसाठी आरोपीला फाशी देणे महत्वाचे आहे. अशी मागणी निवेदनातून करण्यात आली आहे.

धनोजे कुणबी समाज महिला आघाडीच्या अध्यक्ष वंदना आवारी, अर्चना बोदडकर, साधना गोहोकार, नीलिमा काळे, किरण देरकर यासह मोठ्या प्रमाणात महिला होत्या तसेच जिजाऊ ब्रिगेड च्या महिलांनी सुध्दा निवेदन देऊन सुरक्षा , महिला सन्मान या घटना होऊ नये यासाठी भारती राजपूत सह महिलांची उपस्थिती होती.