लोकसभा आणि विधानसभेच्या निवडणुकीत मतांच्या गणिताला छेद देऊ शकणाऱ्या मजलिस-ए-इत्तेहादुल मुसलमिन (एमआयएम) आणि बहुजन वंचित आघाडीच्या एकत्रीकरणामुळे नव्या समीकरणाची नांदी ठरू शकेल, अशी अलोट गर्दी मंगळवारी औरंगाबादच्या जबिंदा लॉन्सवर जमली होती. गावांगावातील ‘गल्ली-मोहल्ल्या’तून आलेल्या मतदारांसमोर या आघाडीमुळे अनेकांच्या मनात धडकी भरली असल्याचा दावा बहुजन वंचित आघाडीचे नेते प्रकाश आंबेडकर आणि एमआयएमचे अध्यक्ष असदोद्दीन ओवैसी यांनी केला. औरंगाबाद येथे आयोजित शेतकरी मेळाव्यात ते दोघे मंगळवारी एकाच व्यासपीठावर होते.

Source :- loksatta