प्रतिनिधी/ सचिन मेश्राम (मारेगाव)

श्री संत शिरोमणी रविदास महाराज यांची ६४३ वी जयंती तथा सर्व संत स्मृतीदिन सोहळा मारेगाव येथे संपन्न झाला. यावेळी घेण्यात आलेल्या कार्यक्रमाचे अध्यक्षस्थानी माजी गटशिक्षणाधिकारी जी. एल. खोले, प्रमुख पाहुणे म्हणून विठ्ठलराव टोंगे उपाध्यक्ष गुरुदेव सेवा मंडळ, भगवानजी इंगळे ,

गंगाधर महाराज लोनसावले, ग्रामगीताचार्य मनीषाताई टोंगे, नगरपंचायत सदस्या सविताताई दरेकर, महिला अध्यक्ष रविदास महाराज चर्मकार संघ प्रेमिलाताई बेंडे, गणपतराव येरेकर, कवडूजी लिपटे उपस्थित होते. यावेळी संत रविदास महाराज यांच्या प्रतिमेची शहरातून भव्य मिरवणूक काढण्यात आली. यावेळी परिसरामधून भजन दिंडी सुद्धा मोठ्या प्रमाणावर उपस्थित होत्या. तसेच मारेगाव येथे समाजभवनाच्या नामफलकाचे उदघाटन आमदार संजीव रेड्डी बोदकुरवार यांचे हस्ते करण्यात आले. मारेगाव येथील युवा प्रबोधनकार कु. स्वाती किशोर ठेंगणे यांनी यावेळी सर्वांना प्रबोधन केले. याप्रसंगी मारेगाव तसेच परिसरातून मोठ्या प्रमाणावर समाज बांधव उपस्थित होते.