सागर मुने, वणी

"वक्ता दशसहस्त्रेषु.." रूपामध्ये विश्वविख्यात असणारे प्राचार्य राम उपाख्य नानासाहेब शेवाळकर यांच्या स्मरणार्थ शिक्षण प्रसारक मंडळाच्या वतीने प्रतिवर्षी कार्यक्रमांचे आयोजन करण्यात येते.

यावर्षी दिनांक २० फेब्रुवारी २०२० रोजी सायंकाळी ठीक सहा वाजता लोकमान्य टिळक महाविद्यालयाच्या प्रांगणात सुप्रसिद्ध सिनेअभिनेता आणि नाट्यकर्मी सचिन खेडेकर यांच्या प्रकट मुलाखतीचे आयोजन करण्यात आले आहे.

नागपूर येथील सुप्रसिद्ध निवेदक आणि मुलाखतकार अजेय गंपावार त्यांची मुलाखत घेणार आहेत.

मी शिवाजीराजे भोसले बोलतोय,काकस्पर्श, कोकणस्थ अशा अनेक मराठी चित्रपटांसह अस्तित्व, इम्तिहान, सिंघम सह बोस द फरगॉटन हिरो सारख्या हिंदी चित्रपटांमधून आपल्या दर्जेदार अभिनयाने प्रेक्षकांची वाहवा मिळवलेले खेडेकर यानिमित्ताने प्रथमच वणीत येत असल्याने नागरिकांनी या संधीचा बहुसंख्येने लाभ घ्यावा असे आवाहन शिक्षण प्रसारक मंडळाच्या वतीने करण्यात येत आहे.