कुमार अमोल

वणी शहरातील मुख्य रस्त्याच्या बाजूला वसलेल्या घराच्या वीजतारा भरधाव ट्रक ने तोडल्या. यात घरमालकाचे किरकोळ नुकसान झाले असून रात्र अंधारात काढण्याची वेळ आली आहे.

प्राप्त माहितीनुसार टी एस 36 टी 3322 या क्रमांकाचा अठरा चाकी ट्रक यवतमाळ ते चंद्रपूर जात होता. जड वाहनास शहराबाहेरून जाण्यासाठी मार्ग असून सुद्धा या ट्रक चालकाने शहरातील मुख्य मार्ग टिळक चौकातून सरळ दीपक टॉकीज रस्त्याने ट्रक टाकला. रात्रीची वेळ असल्याने त्याला छुप्या मार्गाने जाणे असल्याने त्याने सुभाष चंद्र चौकातील घराच्या वीजतारा तोडल्या या घटनेची माहिती शहर पोलिसांना देण्यात आली असता स्थानिक पोलीस घटना स्थळी पोहचले. दरम्यान अचानक अंधःकार पसरल्याने परिसरातील नागरिकांची एकच गर्दी जमली होती. संतापलेल्या जैन घरमालकाने ट्रक चालकाला नुकसान भरपाई मागितली असून तात्काळ तक्रार करण्याची उपस्थित पोलिसांना मागणी केली.

यावेळी बघ्याची एकच गर्दी जमली होती. ही घटना पहिलीच नसून आतापर्यंत चार ते पाच वेळा जड वाहनाने वीजतारा तोडल्या असून या कुणी कडे लक्ष देत नसल्याचे उपस्थिती लोकांनी खंत व्यक्त केली.