चीनमध्ये जन्माला आलेल्या करोना विषाणूने जगभरात थैमान घातले आहे. ९० पेक्षा अधिक देशांमध्ये पसरलेल्या या विषाणूमुळे आतापर्यंत हजारो लोकांना आपले प्राण गमवावे लागले आहेत. आवाक् करणारी बाब म्हणजे गेल्या २४ तासांत एकट्या इटलीमध्ये तब्बल ८२७ लोकांचा करोनामुळे मृत्यू झाला आहे.

चीननंतर करोनाचा सर्वाधिक फटका इटली या देशाला बसला आहे. आतापर्यंत १२ हजार ४४२ करोना संशयीत रुग्ण इटलीमध्ये सापडले आहेत. त्यापैकी ८२७ रुग्णांचा मृत्यू झाला आहे. आश्चर्याची बाब म्हणजे दोन दिवसांपूर्वी हा आकडा १९६ इतका होता. मात्र गेल्या २४ तासांत यात ३१ टक्क्याने वाढ होत तब्बल ८२७ लोकांना आपला प्राण गमवावा लागला आहे. दरम्यान एक हजार ४५ रुग्ण उपचारानंतर बरे झाले आहेत.