नागपुरातील पहिला कोरोनाग्रस्त रुग्ण बरा होऊन काल गुरुवारी 26 मार्चला घरी परतला. यावेळी त्याच्या घरी त्याच्या आईने त्याची नजर उतरवली. तसंच त्याला ओवाळून, औक्षण करुन स्वागत केलं. अमेरिकेवरुन आलेल्या या रुग्णाला कोरोनाची लागण झाली होती. त्यानंतर त्याच्या संपर्कात आलेल्या त्याची पत्नी, मावस भाऊ आणि मित्रालाही कोरोना लागण झाली. या पहिल्या रुग्णाच्या तीन टेस्ट निगेटिव्ह आल्यावर डॉक्टरांनी त्याला बरं झाल्याचा निर्वाळा देत, रुग्णालयातून डिस्चार्ज देण्यात आला. मात्र पुढील आणखी काही दिवस त्याला होम क्वारंटाईन करण्यात आलं आहे.