सुरज चाटे :- वणी येथील गोकुळ नगरातील इसमाला विविध आजाराने ग्रासले आहॆ. दोन महिन्यापासून नागपूर येथे इलाज सुरु असून पैसे नसल्यामुळे त्याने आपले घर विकले आहे. येथील नगर सेवक सुभाष वाघाडकर यांनी व गोकुळ नगर वासियांनी मदतीचा आधार देत निवारा उभा केला आहे. मारोती रामजी पोटे असे घर विकून उपचार करणाऱ्या रुग्णाचे नाव आहे. त्यांना दोन मुले, पत्नी व आई आहे. तोच कुटुंब प्रमुख असल्यामुळे त्याच्यावर कुटुंबीयांची जबाबदारी आहे. परंतु कुटुंब प्रमुखाचा आजारी असल्यामुळे त्यांच्या कुटुंबाची वाताहत झाली. असून त्यांच्यावर उपासमारीची वेड अली आहे. घर विकल्यामुळे बेघर झालेल्या रुग्णाला मयूर काटेड, महेंद्र लोढा, पिंटू मुथा, सुधीर चोरडिया, विशाल मुनोत, विजय भंडारी, अनिल चिंडालिया, सुशील तातेड, दीपक छाजेड, प्रफुल खिवंसरा, इत्यादींनी विविध प्रकारे मदत करून राहण्यासाठी निवारा उभा केला आहे. तसेच विविध ठिकाणी उपचार करून सुद्धा मारुतीची तब्येत ठीक होत नसल्यामुळे त्याला मदत करणे गरजेचे असल्याचे दिसत आहे.