सागर मुने, वणी

लोकमान्य टिळक महाविद्यालयात चालविल्या जात असलेल्या यशवंतराव चव्हाण महाराष्ट्र मुक्त विद्यापीठ केंद्राच्या द्वारे तिथीनुसार शिवजयंती आणि तारखेनुसार यशवंतराव चव्हाण जयंतीचे आयोजन करण्यात आले होते.

याप्रसंगी केंद्र संयोजक,कार्यकारी प्राचार्य प्रसाद खानझोडे, डॉ. अभिजित अणे आणि डॉ. स्वानंद पुंड उपस्थित होते.

कार्यक्रमाच्या आरंभी केंद्र संचालक प्रा. राजेंद्र कोठारी यांनी या आयोजनामागील भूमिका स्पष्ट करून यावर्षी विशेष कृती पद्धतीने या जयंतीला साजरी करण्याची योजना सादर केली.

त्याचप्रमाणे विद्यार्थ्यांच्या सहभागातून आगामी काळात विविध योजना कशा कार्यान्वित होणार आहेत? त्याची माहिती सादर केली.

यावर्षी मुक्त विद्यापीठ केंद्राच्या द्वारे वणी मध्ये असणाऱ्या गतिमंद विद्यार्थ्यांच्या सेवासदन संस्थेत आणि अनाथ बालकांच्या बाल सदन संस्थेत विविध फळे आणि बिस्किटांच्या वाटपाचा अभिनव कार्यक्रम घेण्यात आला. अशा प्रकारची ही योजना अत्यंत अभिनव, गरजवंतांच्या प्रत्यक्ष उपयोगाची आणि कायमस्वरूपी चालवण्यास योग्य असल्याचे मत प्राचार्य डॉ. प्रसाद खानझोडे यांनी व्यक्त केले.

कार्यक्रमाचे सूत्रसंचालन नितीन शिंदे याने तर आभार प्रदर्शन गणेश आसूटकर

याने केले.