सागर मुने,वणी

रविवारी संपूर्ण देशात जनता कर्फ्यु पाळण्यात आला त्यावेळे संपूर्ण वणी शहर बंद होते. करोना विषाणू चा प्रादुर्भाव थांबवण्यासाठी संचार बंदी लावण्यात आली आहे. नागरिकांनी घराबाहेर पडू नये असे आवाहन करण्यात येत आहे तरी पण नागरिक बाहेर फिरतात, त्यामुळे पोलीस बाहेर फिरणार्यांना विचारपूस करीत आहे.

सध्या शहरातील अत्यावश्यक वस्तूचे दुकाने सुरू आहे. ज्यांना खरंच जीवनावश्यक वस्तू ची गरज असेल तर घराच्या बाहेर पडावे तसेच जेष्ठ नागरिक किंवा गरजू व्यक्तीला भोजन किंवा कोणत्याही वस्तूची गरज लागली तर वणीचे पोलीस निरीक्षक वैभव जाधव यांनी या नंबर वर 9403418689 फोन करा असे त्यांनी जनतेला आवाहन केले.

नागरिकांनी स्वतःच्या रक्षणासाठी घरीच रहावे असे सरकार च्या वतीने आवाहन करण्यात येत आहे. मात्र जनतेच्या सेवेसाठी 24 तास कार्य करणारी पोलीस मंडळी यांना हर्षा आगलावे चहा बिस्किटे देऊन माणुसकीचे दर्शन देत आहे तर सिंधी समाजातर्फे चहा नास्था, थंड पाणी देण्यात येत आहे, काही नागरिकांनी पोलिसांना खायला फळे सुद्धा दिले. सतत काम करणाऱ्या या पोलिसांना तहान भूक लागते याचे भान नागरिकांनी ठेवले आहे. त्यामुळे नागरिकांनी घराबाहेर पडू नये तसेच या बंद ला सहकार्य करावे असे आवाहन पोलीस करीत आहे.