प्रतिनिधि योगेश मडावी झरी :-
तेलंगाणावरून निघालेला कंटेनर (एच.आर.७३/ए-६९८३) पिंपळखुटी (ता.पांढरकवडा) चेकपोस्टवर पोलिसांनी तपासणीसाठी थांबविला. गुरुवारी सकाळी हा प्रकार घडला. संशय आल्याने चेकपोस्टवरच्या पोलिसांनी कंटेनरचे कुलूप उघडायला लावले. आतले दृश्य पाहून सर्वांनाच धक्का बसला. जवळपास ३०० जण या कंटेनरमध्ये अक्षरश: कोंबलेल्या अवस्थेत आढळून आले. पूर्वी जनावर तस्करीसाठी या पद्धतीचा वापर केला जात होता. कंटेनेरमधून आलेल्या नागरिकांना चेकपोस्टवरूनच तेलंगाणात परत पाठविण्यात आले.