वणी :- सुरज चाटे

वणी तालुक्याअंतर्गत येणाऱ्या डोंगरगाव (वेगांव) येथील शिवारात सोमनाळा घाटाच्या थळीवर वाघाने गाईवर हल्ला चढविल्याने गाय हल्यात गंभीर जखमी झाल्याची घटना दिनांक 20 ला घडली आहे.

विरकुंड येथील महादेव चवले यांच्या मालकीची गाय चरण्याकरिता गेली असता जंगल परिसर लागूनच असल्याने सदर मोकाट जनावर पाहून वाघाने आपला डाव साधत हल्ला चढविला हल्यात गायीला गंभीर इजा झाली आहे. सदर घटना शेतीवरील मजुराच्या लक्षात येताच घटनेची माहिती वन विभाग व आदींना मिळताच त्यांनी घटनास्थळी धाव घेतली व वन विभागाने सतर्क राहण्याचे आवाहन सुद्धा केले आहे.

सध्या लॉक डाउन असल्याने पाहिजे तशी जंगल परिसरात रेलचेल नसल्याने जंगली जनावरांनी आपला मोर्चा आता वस्तीकडे वळविला असून त्याना जंगल परिसरात कुणी न दिसल्याने हिमत्तीने गावाच्या दिशेने जंगली जनावर येऊन जनावरांवर हल्ला करीत असल्याच्या घटना समोर येत आहे त्यातच नागरिकांनी देखील सावधान व सतर्क राहण्याची गरज निर्माण झाली आहे.