प्रतिनिधी प्रशांत चंदनखेडे :-
वणी घुगुस राज्य महामार्गावरील पुणवट येथे टरबूज भरलेला ट्रक पलटी झाल्याने त्यात जवळपास ८० हजार रुपये किमतीच्या टर्बुजांची नासाडी झाल्याने टरबूज उप्तादक शेतकऱ्यांचे मोठे आर्थिक नुकसान झाले आहे. सुदैवाने यात कोणतीही जीवित हानी झाली नाही. उन्हाळ्यामध्ये टरबुजांची मागणी वाढत असल्याने मराठवाड्यातील टरबूज उत्पादक शेतकरी मोठ्या प्रमाणात व्यवसाया करिता विदर्भात येतात. अशाच काही नांदेड येथील टरबूज उत्पादक शेतकऱ्यांनी चंद्रपूर येथील व्यापाऱ्याकडे विक्री करिता आणत असलेल्या टरबूज भरल्या ट्रकला अपघात होऊन तो पलटी झाल्याने टरबुजांचे मोठ्या प्रमाणात नुकसान होऊन शेतकऱ्यांचे ८० हजारांचे आर्थि क नुकसान झाले आहे.