सागर मुने,वणी

पोलीस वर्धापन दिन सप्ताह अनुषंगाने वणी येथील विवेकानंद विद्यालयात कार्यशाळा आयोजित करण्यात आली होती. यावेळी वणीचे पोलीस निरीक्षक वैभव जाधव यांनी पोलीस हे सर्वांचे मित्र आहे, प्रत्येक समस्या सोडविण्यासाठी आम्ही सदैव तत्पर असतो, त्यामुळे तुम्हा मुलांवर कोणताही अत्याचार झाला, मुलींना त्रास देत असतील किंवा कोणताही अनुचित प्रकार होत असेल तर न घाबरता पोलिसांची मदत घायची अशी माहिती त्यांनी दिली. तसेच पोलीस विभागाचे जिविशा केंद्र वणी चे पो ह. शेखर वांढरे, गोपनीय कर्मचारी विजय राठोड यांनी सुध्दा पोलीस विभागाबाबत मार्गदर्शन केले.

यावेळी शाळेचे मुख्याध्यापक भास्कर काळे यांनी विद्यार्थ्यांना पोलीस प्रशासनाची माहिती दिली व कार्यक्रमाचे महत्त्व सांगितले. कार्यशाळेला सर्व विद्यार्थी व शिक्षक वृंद उपस्थित होते.