प्रतिनिधी/ संघर्ष भगत (झरी जामनी)

मुकुटबन- वणी मार्गावरील गुरुकुल कॉन्व्हेंट शाळेजवळ एका अज्ञात वाहनाने दुचाकीला धडक दिली.या अपघातात दोन तरुन ठार झाल्याची घटना घडली आहे.

आज दुपारी दोन युवक दुचाकी क्र. MH-34 AZ 2378 ने जात असता मुकुटबन- वणी मार्गावरील गुरुकुल कॉन्व्हेंट शाळेजवळ एका अज्ञात भरधाव वाहनाने दुचाकीचा धडक दिली.या अपघातात दुचाकीवरील एक युवक जागीच ठार झाला तर दुसरा गंभीर जखमी झाला होता.त्याला रुग्णवाहिकेने वणी येथे ग्रामिण रुग्णालयात दाखल केले होते.परंतु उपचारा दरम्यान त्याचाही मृत्यु झाला आहे.हा अपघात पहायला मुकुटंबन परिसरातील नागरिकांनी गर्दी केली होती.

या अपघातातील धडक देणाऱ्या अज्ञात वाहनाचा अजूनपर्यंत पत्ता लागलेला नाही तसेच त्या दोन्ही युवकांची ओळख सुद्धा पटलेली नसुन ते दोन्ही युवक गीट्टी खदानिवरील असल्याचे बोलल्या जात आहे. पुढील तपास मुकुटबन पोलीस करीत आहे.