सुरज चाटे वणी :- राज ठाकरेंच्या आगमनार्थ मोठ्या प्रमाणात राज प्रेमींची उपस्थिती

महाराष्ट्र नवनिर्माण सेनेचे अध्यक्ष राज ठाकरे विदर्भ दौऱयावर आहेत. त्यांचे आज दुपारी दिनांक 22 ला यवतमाळ जिल्ह्यातील वणीमध्ये आगमन झाले. वसंत जिनींग लॉनवर मनसेचा कार्यकर्ता मेळावा झाला,

मनसेचे राज्य उपाध्यक्ष राजू उंबरकर यांनी राज ठाकरेंचे पुष्पगुच्छ देऊन स्वागत केले. 'मी फक्त तुमच्या भेटीसाठी आलो असून येत्या जानेवारी महिन्यात वणीमध्ये निवडणुकीच्या पार्श्वभूमीवर पुन्हा सभा घेईन,' असे राज ठाकरे यांनी पक्षाच्या कार्यकर्त्यांना संबोधित करताना सांगितले, वणी तालुक्यातील शेकडो कार्यकर्त्यांनी तसेच पदाधिकाऱ्यांनी राज ठाकरे यांच्या स्वागतासाठी वणी येथील शिवाजी चौकात मोठी गर्दी केली होती. कार्यकर्त्यांनी जोरदार घोषणा देत राज ठाकरेंचे स्वागत केले. यावेळी त्यांच्यासोबत मनसेचे आमदार बाळा नांदगावकर, मनसेचे राज्य उपाध्यक्ष राजू उंबरकर, आनंद एंबडवार, अनिल गडकरी, अनिल गडम तसेच पक्षाचे पदाधिकारी व कार्यकर्ते उपस्थित होते. या कार्यक्रमानंतर राज ठाकरे कार्यकर्ता मेळाव्यासाठी वसंत जिनिंग लॉनवर गेले.