कोरोनाचा रोना करू :- त्याकरिता आपण सुद्धा नियम पाळू....एम राजकुमार

वणी :- सुरज चाटे, जिल्हा प्रतिनिधी, यवतमाळ

जिल्हा पोलिस अधीक्षक एम राजकुमार यांनी आपल्या अधिकारी व कर्मचाऱ्यांना मास्क व सॅनिटायझरचे वितरण केले. एक एसपी असलेला अधिकारी आपल्या पोलीस कर्मचाऱ्याला स्वतःच्या हाताने मास्क बांधून कोरोनापासून स्वतःचा बचाव करण्याचे सांगितले व मार्गदर्शन केले, असे म्हणतात नेतृत्व खंबीर व प्रेमळ असले की काम चोख होते व गतीने होते. त्यांच्या खंबीर नेतृत्वात जिल्ह्यातील पोलीस यंत्रणा सक्षमपणे काम करीत आहे. पोलिस जीव तळहातावर घेऊन जनतेची सेवा करीत आहे.

संचारबंदीत नागरिकांनी घरांत राहून, बाहेर न पडता पोलिसांना सहकार्य करणे आवश्यक आहे. जिल्हाधिकारी एम देवेंदर सिंह व जिल्हा पोलिस अधीक्षक एम राजकुमार या दोघांच्या नेतृत्वात जिल्ह्यातील जनता सुरक्षित आहे. गेल्या पंधरा दिवसांत कोरोनाचा एकही नवीन रुग्ण नसणे व घरी देखरेखीत 88 रुग्ण असणे ही बाबच फार आशादायक आहे. पुढे ही लढाई जिंकण्यासाठी लोकांनी घरांत राहणे हाच एकमेव पर्याय आहे.