सध्या कोरोनामुळे देशावर मोठे संकट आले आहे. व्यापार, उद्योगधंदे बुडाले आहे. आपत्तीग्रस्तांना तातडीने सहाय्यता देणे यासाठी महाराष्ट्र शासनातर्फे मुख्यमंत्री सहायता‍ निधी (कोविड-19) या नावाने अकाउंट उघडण्यात आले आहे. या सहायता निधीत मदत करण्यासाठी राज्यभरातून ओघ सुरू आहे. त्यात वणीकर ही मागे नाही. गुरूनगर येथील रहिवाशी असलेले गंगाधर मिलमिले यांची शिरपूर येथे शेती आहे. महाराष्ट्रात कोरोनाचा सर्वाधिक प्रादुर्भाव आहे. या आपत्तीमध्ये मदतीसाठी आपलाही थोडाफार हातभार लागावा या उद्देशाने मिलमिले यांनी सीएम फंडाला मदत केली. त्यांच्या या कार्याचे कौतुक होत आहे.