मृत्यूचे कारण अस्पष्ट :- उष्मघात, अति मद्यप्राशन की आणखी काही?.....

वणी : सुरज चाटे

वणीतील सर्वोदय चौक परिसरात दिनांक 12 ला दुपारच्या दरम्यान एक धनराज तुकाराम शेंदरे नामक अं 40 वर्षीय इसम मृत अवस्थेत आढळल्याने एकच खळबळ उडाली होती, त्यामुळे सदर ठिकाणी गर्दी जमल्याने त्याला ग्रामीण रुग्णालयात नेण्यात आल्याची घटना उघडकीस आली आहे.

शहरातील सर्वोदय चौक येथे एका ईसमाचा मृतदेह आढळल्याने परिसरात खळबळजनक घटना उघडकीस आली आहे.धनराज तुकाराम शेंदरे वय वर्ष अं 40, रा. खळबळा परिसर वणी. नेमका या इसमाचा मृत्यू कसा झाला? हे अजूनतरी अस्पष्ट असल्याने मृत्यू अति मद्य प्राशनाने झाला की, उष्मघाताने, की मग आणखी काही वेगळे कारण? हे अजूनतरी अस्पष्ट असले तरी मृत्यू नेमका कसा झाला याबाबतची माहीती पुढील तपासातून उघड येणार असून मात्र धनराज शेंदरे आता जगाच्या पडद्या आड गेला असून त्याच्या मागे पत्नी, मुलं, बहिणी व बराच मोठा आप्त परिवार आहे, या घटनेने परिसरात हळहळ व्यक्त होत आहे, या घटनेचा पुढील तपास वणी पोलीस करीत आहे.

वणीतील काही तळीरामांनी केला सॅनिटायझर चा दुरुपयोग?...

काही दिवसा अगोदर अति मद्यप्राशन करणारे तळीराम मोठ्या प्रमाणात सॅनिटायझर चा सुद्धा वापर दारू म्हणून करीत असल्याचे बोलल्या जात होते, सॅनिटायझर मध्ये अल्कोल असल्याने ते आणि देशी दारू जवळपास सारखीच असते असे देखील काही मद्यप्रेमीं मधली चर्चा असल्याने आता दारू दुकान सुरू झाले आहे मात्र जेव्हा बंद होते तेव्हा सॅनिटायझरलाच दारूचे स्वरूप आले की काय? असे सुद्धा बोलल्या जात होते. परंतु दारूबंदी काळात सॅनिटायझरचा दुरुपयोग काहींनी दारू म्हणून केल्याचे सुद्धा दबक्या आवाजात परिसरातून बोलल्या जात होते.