मारेंगाव :- आरोपीने केलेल्या हल्ल्यात एका पोलीसाचा मृत्यू तर दोन किरकोळ जखमी..

सुरज चाटे वणी :- यवतमाळ जिल्ह्यातील मारेगाव तालुक्यात आरोपीने पोलिसांवर केलेल्या हल्ल्यात एका पोलीस अधिकाऱ्याचा मृत्यू झाला आहे. अटक वॉरंट बजावण्यासाठी गेलेल्या पोलीस पथकातील एका जमादाराला आरोपीने लाकडी दांड्याने तोंडावर मारून जागीच ठार केलं तर इतर दोन पोलीस देखील या हल्ल्यात गंभीर जखमी झाले आहेत.

पोलिसांनी आरोपीला बाहेर येण्यास सांगितलं. पण मी बाहेर येणार नाही तुम्हाला जे करायचं आहे ते करा अशी दादागिरी आरोपीने केली. त्यानंतर काही घडताच त्याने दरवाजा उघडला आणि पोलीस पथकावर हल्ला केला.

त्याने 3 पोलिसांवर हल्ला केला. लाकडी दांडक्याने 3 पोलिसांवर हल्ला केला. यात 3 पोलीस गंभीर जखमी झाले. पण उपचारादरम्यान पोलीस जमादार राजेंद्र कुलमेथे यांचा मृत्यू झाला आहे. तर इतर जखमी पोलिसांचा नजिकच्या रुग्णालयात उपचार सुरू आहेत.

दरम्यान, आरोपी अनिल आणि त्याच्या आईवर पोलीस ठाण्यात गुन्हा दाखल करण्यात आला असून पोलिसांनी त्यांना ताब्यात घेतलं आहे. तर घटनास्थळावरून पोलिसांवर हल्ला करण्यासाठी वापरण्यात आलेलं लाकडी दांडकंदेखील पोलिसांनी ताब्यात घेतलं आहे. तर आता पोलीस या संपूर्ण प्रकरणाचा कसून तपास करत आहे.