प्रशांत चंदनखेडे वणी :-

घराच्या बाजूला असलेल्या झाडाची फांदी तोडून बाजूला करत असतांना क्रेनचा तोल जाऊन झाडाच्या फांदीसह क्रेनही घरावर उलटल्याने घराचे मोठे नुकसान झाल्याची घटना दीपक चौपाटी परिसरात नुकतीच घडली आहे. यात सुदैवाने कोणतीही जीवित हानी झाली नसून मोठी वित्त हानी झाली आहे.

दिपक चौपाटी परिसरातील प्रवीण रामावत यांच्या घराच्या बाजूला असलेले वडाचे झाड विस्तीर्ण होऊन झाडीची अवाढव्य फांदी घरासमोर आल्याने ती तोडून क्रेनच्या साहाय्याने बाजूला करीत असतांना क्रेनचे संतुलन गेल्याने क्रेन फांदीसह घरावर उलटली. फंदीचे वजन क्रेनच्या वजन क्षमतेपेक्षा जास्त झाल्याने संतुलन जाऊन क्रेन फांदीला बाजूने करतांनाच फांदीसह घरावर पलटी झाली. यात घराची रूम क्षतिग्रस्त झाल्याने रामावत यांचे मोठे आर्थिक नुकसान झाले असून क्रेनचेही चांगलेच नुकसान झाले आहे. यात घरातील कोणतीही व्यक्ती अथवा ड्रॉयव्हरला शारीरिक इजा झाली नसल्याचे समजते. पोलीस घटनास्थळी दाखल झाले असून पोलिसांकडून घटनास्थळाचा पंचनामा करण्यात येत आहे.