corona update २६ Nov.

तालुक्यात आज चार व्यक्तींचे कोरोना चाचणी अहवाल पॉझिटिव्ह आल्याने एकूण पॉझिटिव्ह रुग्णांची संख्या ९५३ झाली आहे. तर ऍक्टिव्ह पॉझिटिव्ह रुग्णांची संख्या ७९ झाली आहे. आज आणखी सात रुग्ण कोरोनातून बरे झाल्याने त्यांना सुटी देण्यात आली आहे. आता पर्यंत एकूण ८५१ रुग्ण कोरोनामुक्त होऊन घरी परतले आहेत. तर २३ रुग्ण कोरोनाने दगावले आहेत.

आज तीन तपासणी अहवाल प्राप्त झाले असून त्यात एक पॉझिटिव्ह रुग्ण आढळला तर आज करण्यात आलेल्या ५७ व्यक्तींच्या रॅपिड अँटीजेन चाचण्यांच्या रिपोर्टमध्ये तीन व्यक्ती पॉझिटिव्ह आले आहेत. आता पर्यंत एकूण ७२८३ व्यक्तींच्या कोरोना चाचण्या करण्यात आल्या आहेत. आज आणखी ३२ व्यक्तींचे नमुने तपासणी करिता पाठविण्यात आल्याने ९१ नमुन्यांचे अहवाल प्रलंबित आहेत. ७९ ऍक्टिव्ह पॉझिटिव्ह रुग्णांपैकी ४३ रुग्णांवर होम आयसोलेशनमध्ये, १० रुग्णांवर कोविड केयर सेंटरमध्ये तर २६ रुग्णांवर यवतमाळ व इतरत्र उपचार सुरु आहेत.

आज पॉझिटिव्ह आलेल्या व्यक्तींमध्ये शास्त्रीनगर, एकतानगर, भालर कॉलनी, वागदरा येथील प्रत्येकी एका व्यक्तीचा समावेश आहे. नागरिकांनी सतर्कता बाळगण्याचे आव्हान प्रशासनातर्फे करण्यात आले आहे.