corona update ९ Dec.

शहर व तालुक्यात कोरोना संक्रमणाचा वेग मंदावला असला तरी प्रतिदिन कमी अधिक प्रमाणात कोरोनाचे रुग्ण आढळत असल्याने रुग्णसंख्या वाढत चालली आहे. तालुक्यात कोरोनाची लागण होण्याचे प्रमाण कमी झाले असले तरी कोरोनाला समूळ नष्ट करण्यात अद्यापही यश आले नसल्याने नागरिकांमध्ये कोरोनाची धास्ती कायम आहे. मागील चार दिवसांत कोरोनाचे २५ रुग्ण आढळल्याने रुग्णसंख्येने हजारीचा पल्ला ओलांडला आहे. तालुक्यातील एकूण पॉझिटिव्ह रुग्णांची संख्या आता १००२ झाली आहे. तर ऍक्टिव्ह पॉझिटिव्ह रुग्णांची संख्या वाढून ३४ झाली आहे. तसेच मागील चार दिवसांत १७ रुग्ण कोरोनातून बरे झाल्याने त्यांना सुटी देण्यात आली आहे. आता पर्यंत ९४५ रुग्ण कोरोनामुक्त होऊन घरी परतले आहेत. तर २३ रुग्णांचा उपचारादरम्यान मृत्यू झाला आहे.

तालुक्यात प्रतिदिन कोरोना बाधित रुग्ण आढळत असल्याने रुग्णसंख्येत सातत्याने वाढ होतांना दिसत आहे. ६ डिसेंबर ते ९ डिसेंबर या चार दिवसांत कोरोनाचे तब्बल २५ रुग्ण आढळल्याने नागरिकांमध्ये भीतीचे वातावरण निर्माण झाले आहे. तालुक्यात २५ रुग्णांची भर पडल्याने एकूण पॉझिटिव्ह रुग्णांची संख्या १००२ झाली आहे. आज ६० तपासणी नमुन्यांचे अहवाल प्राप्त असून ३ पॉझिटिव्ह तर ५७ नमुन्यांचे अहवाल निगेटिव्ह आले आहेत. तसेच आज करण्यात आलेल्या १५ रॅपिड अँटीजेन चाचण्यांच्या रिपोर्टमध्ये १ व्यक्ती पॉझिटिव्ह तर १४ व्यक्ती निगेटिव्ह आढळून आल्या आहेत. आज आणखी २४ व्यक्तींचे नमुने तपासणी करिता पाठविण्यात आल्याने ४४ नमुन्यांचे अहवाल प्रलंबित आहेत. आजपावेतो ७९०० व्यक्तींच्या कोरोना चाचण्या करण्यात आल्या आहेत. त्यात ३९९७ आरटीपीसीआर तर ३९०३ रॅपिड अँटीजेन चाचण्यांचा समावेश आहे. पॉझिटिव्ह रुग्णांपैकी १८ रुग्ण होम आयसोलेशनमध्ये, ७ रुग्ण कोविड केयर सेंटरमध्ये तर ९ रुग्ण यवतमाळ व इतरत्र उपहार घेत आहेत. कोरोनाला तालुक्यातून हद्दपार करण्याकरिता प्रशासन शर्थीचे प्रयत्न करीत असून नागरिकांनीही सावधानी बाळगण्याचे आव्हान प्रशासनातर्फे करण्यात येत आहे.

मागील चार दिवसांत २५ व्यक्तींचे कोरोना चाचणी अहवाल पॉझिटिव्ह आहेत. त्यामध्ये ६ डिसेंबरला लालगुडा येथील पाच, जैन ले-आऊट, रंगनाथनगर, गणेशपूर, उकनी येथील प्रत्येकी एक व्यक्ती, ७ डिसेंबरला आवारी ले-आऊट, गांघी चौक, शिंदोला माईन्स, धारणा, दिग्रस, चंद्रपूर येथील प्रत्येकी एक व्यक्ती, ८ डिसेंबरला भालर टाऊनशिप येथील दोन, प्रगती नगर, लालगुडा, पेटूर येथील प्रत्येकी एक व्यक्ती, ९ डिसेंबरला गणेशपूर येथील दोन, चिखलगांव एक, मूर्ती येथील एक व्यक्ती असे एकूण २५ व्यक्ती पॉझिटिव्ह आले आहेत.