यवतमाळ जिल्हा मध्यवर्ती बँकेच्या निवडणुकित वणी मारेगाव व झरी या तीनही तालुक्यातून महाविकास आघाडीच्या उमेदवारांनी विजय संपादन केल्याने हा राजकिय क्षेत्रातील मोठा बदल मानला जात आहे.

यवतमाळ जिल्हा मध्यवर्ती बँकेच्या निवडणुकित महाविकास आघाडीचे जिल्ह्यातून मोठ्या संख्येने उमेदवार विजयी झाल्याने ही राजकारणातील मोठी उलथापालथ मानली जात आहे. वणी विधानसभा क्षेत्रातील तीनही तालुक्यातून महविकास आघाडीच्या उमेदवारांनी विजय मिळविल्याने ग्रामपंचायत निवडणुकीचे समीकरन बदलण्याची शक्यता निर्माण झाली आहे.

वणी तालुक्यातून महाविकास आघाडीचे कॉंग्रेसचे उमेदवार टिकाराम कोंगरे विजयी झाले तर मारेगाव तालुक्यातून महविकास आघाडीचेच शिवसेनेचे उमेदवार संजय देरकर विजयी झाले आहेत. तसेच झरी जामनी तालुक्यातूनही महविकास आघाडीचे काँग्रेसचे उमेदवार राजू ऐलतिवार विजयी झाले आहेत. महाविकास आघाडीने तीनही तालुक्यात विजय संपादन केल्याने राजकिय क्षेत्रात मोठी खळबळ उडाली असून महाविकास आघाडीचे हे मोठे यश मानले जात आहे.